 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Сёньня й заўтра, блізка і далёка –
Усё зьлілося ў цемры летняй ночы.
Дзесьці чутны рохкат мотаблока,
Пад рукою – чорны кот вуркоча.
Над страхою – месячык рагаты
І сузор’яў цьмяныя абрысы.
Шашлыкі даедзены. Ля хаты
У мангале дагарае прысак.
Дзень прайшоў у клопатах і працы,
Засынае стомлены пасёлак.
Час адгулаў, водпускаў, вакацый,
Дзецям у кашмарах сьніцца школа.
А наперадзе яшчэ ўсё лета,
Дзесь далёка шумны, душны горад.
Кот сышоў. Пагасла цыгарэта.
Я сяджу і разглядаю зоры.
26/27.6.2009.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
